राष्ट्रिय सुरक्षा परिषद् सचिवालयको २४ औँ वार्षिकोत्सव सम्पन्न भएको छ । सो अवसरमा प्रधानमन्त्री केपी शर्मा ओलिले सबै सुरक्षा निकायले होल अफ द नेशनको अवधारणा अनुसार काम गर्नुपर्नेमा जोड दिएका छन् ।
उनले राष्ट्रिय सुरक्षामा देखिएका नयाँ नयाँ आयामलाई ध्यान दिदैै सबैले होल अफ द नेशनलाई केन्द्रमा राखेर काम गर्नुपर्ने बताए । सिंहदबारमा आज आयोजित कार्यक्रममा परिषद्का अध्यक्ष समेत रहेका प्रधानमन्त्री ओलीले परम्परागत सुरक्षा चुनौतीका अतिरिक्त सूचना र प्रविधिको दू्रत विकाससँगै नयाँ चुनौतिहरु पनि खडा भएको बताए ।
उनले साइबर अपराध, अन्तरदेशीय अपराध, जलवायु परिवर्तन, लागु औषध दूूव्र्यसन, सामाजिक सञ्जालको दुरुपयोगजस्ता कारणले राष्ट्रिय सुुरक्षालाई संवेदनशील बनाउने तर्फ पनि सुरक्षा फौजको ध्यान आकृष्ट गराएका छन् ।
उनले सो अवसरमा क्षेत्रीय तथा अन्तर्राष्ट्रिय सुरक्षा वातावरणमा विभिन्न नयाँ आयाम र नवीन प्रवृत्तिहरू देखा पर्न थालेको समेत बताए ।
प्रधानमन्त्री ओलिले मुलुकको स्वतन्त्रता, सार्वभौमसत्तता, भौगोलिक अखण्डता, स्वाधीनता र राष्ट्रिय एकतालाई थप मजबुत बनाउन पनि एक अर्काबीच सहकार्य जरुरी रहेको बताए । उनले भने ‘विभिन्न सुरक्षा निकाय, राजनीतिक दललगायत सबैले एकापसमा उचित समन्वय र सहकार्य गरेर अघि बढ्न आवश्यक रहेको छ । राष्ट्रिय सुरक्षाको सन्दर्भमा ‘होल अफ द नेशन’ को अवधारणा अनुसार काम गर्न आवश्यक छ ’
नेपालको संविधान भाग २८ मा राष्ट्रिय सुरक्षासम्बन्धी व्यवस्था गरिएको छ । उक्त भागको धारा २६६ को उपधारा ९१० मा नेपालको समग्र राष्ट्रिय हित, सुरक्षा र प्रतिरक्षा सम्बन्धी नीति तर्जुमा गर्न तथा नेपाली सेनाको परिचालन वा नियन्त्रण गर्नका लागि नेपाल सरकार, मन्त्रिपरिषदलाई सिफारिस गर्न प्रधानमन्त्रीको अध्यक्षतामा परिषद् गठनको प्रबन्ध गरिएको छ ।
विसं २०५८ साल फागुुन २७ गतेबाट राष्ट्रिय सुरक्षा परिषद्को सचिवालयको स्थापना भएको थियो । सचिवालयले राष्ट्रिय सुरक्षा परिषद्को कार्यलाई सहजीकरण गर्ने, आवश्यक राय सुझाव दिने तथा सुरक्षा विश्लेषण प्रतिवेदन तयार गर्ने कार्यहरु गर्दै आइरहेको छ ।
